124 SYSAGTE BENE IS BINNE BEREIK SKOONHEID v&a SKOONHEID v&a www.voelgoed.co.za

SYSAGTE BENE IS BINNE BEREIK

SYSAGTE BENE IS BINNE BEREIK

Om beenhare te skeer het tydens die Tweede Wêreldoorlog gewild geword toe sykouse skaars was en kaal bene die neiging geword het ...

2012-01-27

Vandag is waks- en laserhaarverwydering ook algemeen, maar om te skeer bly die maklikste en goedkoopste manier om van ongewenste haartjies ontslae te raak. 

Thando Mazibuko, Bestuurder: Eksterne Verhoudinge by Venus en Gillette beantwoord lesers se vra oor skeer en hoe jy die mooiste, sagste bene kan kry.  

Basta met knoppies 
 
 
Nadat ek geskeer het, veral my bene, sukkel ek met skeermesknoppies. Hoekom gebeur dit en hoe raak ek daarvan ontslae? - Wilma, Pinetown

Die knoppies word veroorsaak deur growwer hare in die area wat onder die veloppervlak krul. Jy kan dit voorkom deur die volgende maklike stappe te volg:
• Voordat jy skeer, week vir ’n paar minute in ’n warm bad of  in die stort. Dit sal die hare sagter maak en makliker maak om te skeer.
• Bedek jou vel met skeerroom, wat sal help om die hare klam te hou en dit moontlik sal maak vir die lem om sagkens oor die vel gly. 
• Hou die skeermes met die punte van jou vingers vas sodat jy so min moontlik druk gebruik. Skeer in die rigting wat die gemaklikste is om te voorkom dat jy snytjies opdoen. Vir die beste resultate, skeer in ’n opwaartse rigting, teen die rigting waarin jou beenhare groei.
• Maak seker jy gebruik ’n alkoholvrye bevogtiger sodra jy klaar is om die vog in te seël.  

Ek het gehoor dit is beter om droog  as met water te skeer. Is dit waar en hoekom? - Santie, Alberton

Net as jy met snytjies, infeksies en irritasie wil sit! Nee, ongelukkig nie. Dis altyd beter om iets tussen jou vel en die lemmetjie te hê, of dit nou water, seep, skeerroom, sjampoe, opknapper of olyfolie is. Die bevogtigende strokies op sommige weggooibare skeermesse werk ook net in die teenwoordigheid van water, so, hulle beteken min as jy droog skeer. Daar is beslis voordele om water te gebruik wanneer jy skeer. Dit verleng die lemmetjie se leeftyd deurdat jy dit afspoel direk nadat jy geskeer het. Tik dit ’n paar keer teen die rand van die bad om die oortollige water af te skud. As jy droog skeer, kan jy die lemmetjie na omtrent een keer se gebruik maar weggooi.

Is daar regtig ’n verskil tussen goedkoop, weggooibare skeermesse en nie-weggooibare skeermesse wat duurder is? - Jean-Marie, Silverton

Ja, daar is ’n verskil. Nie-weggooibare skeermesse se gevorderde lemtegnologie en ergonomies ontwerpte handvatsel is spesiaal aangepas om vir vroue en mans beter beheer en ’n meer bevredigende skeer te gee. Ek stel voor dat jy met skeermesse eksperimenteer om die een te kry wat die beste vir jóú werk. Jy gaan nog ’n hele klompie jaar hierdie takie doen, so, maak dit jou eie en geniet dit. Die beste kenmerke om voor uit te kyk in jou soektog is jelstrokies wat makliker oor jou vel beweeg en jou vel bevog terwyl jy skeer. Nog ’n belangrike aspek van ’n goeie skeermes is buigbare skeerkoppe wat saam met die rondings van jou lyf beweeg. Natuurlik is meer as een lemmetjie noodsaaklik, wat so na moontlik aan jou vel kom en jou met die sagste bene laat.

40 miljoen vroue wêreldwyd vertrou op Venus-skeermesse. Ek glo jy sal mal wees oor die pienk 2-in-1 Venus Breeze skeermes wat spesiaal vir vroue ontwerp is. Dit het drie individueel verstelbare lemme, beskermende kussinkies en ingeboude skeerjelstafies. Maak seker dat jy die lemmetjies gereeld vervang, en as jy besluit om ’n weggooibare skeermes te koop, om maar ’n paar ekstra in jou badkamerkassie te hou. ’n Stomp skeermes lei tot onnodige raakskeer, wat seer is en jou in die verleentheid kan bring.


Kommentaar

gesels saam

argief