Hier is drie effekte wat ’n egskeiding op kinders kan hê:

EFFEK 1: DIE SKULDEFFEK

Kinders van geskeide ouers is nie gedoem om tweederangse lewens te lei nie. Hulle hoef nie slagoffers te wees nie. Inteendeel, hulle het die vermoë om moeilike tye met deursettingsvermoë te deurstaan en as oorwinnaars daardeur te kom.

EFFEK 2: DIE KREDIETEFFEK

Kinders van skeidende ouers beskik dikwels ook oor die moed om die dinge wat hulle kan verander, met wilskrag te probeer verander. Beantwoord dus tydens ’n egskeiding al jou kinders se vrae duidelik. 

Vrae waaroor die meeste kinders tydens egskeiding tob …

•    Ek wonder of my ouers ooit weer by mekaar sal uitkom?
•    Wat het ek gedoen dat my ouers skei?
•    Is my pa regtig lief vir my? As hy is, hoekom sien ek hom so min en is hy regtig so besig soos wat hy sê hy is?
•    Hoekom kon hulle nie getroud bly ter wille van my nie?
•    Ek wonder watter soort ouer ek eendag gaan wees aangesien ek nie in ’n “normale” huis grootgeword het nie?

EFFEK 3: DIE SKADEBEPERKING

Elke geskeide ouer moet soveel moontlik doen om die skade wat egskeiding op kinders het, te beperk.

Praktiese riglyne:

•    Moenie kinders by besoekregte en –reëlings betrek nie;
•    Moenie dat kinders tussen ouers kies nie;
•    Kinders moenie boodskappe tussen ouers aandra nie;
•    Geldsake moet liefs van die kinders weggehou word;
•    Verhinder dat ’n kind die plek van die afwesige ouer inneem;
•    Kinders se hartseer moet uitgepraat word. Roep die hulp van ’n sielkundige of berader in as ’n kind sukkel om haar hartseer te verwerk; en
•    Gun kinders minstens twee jaar voordat ’n nuwe verhouding aangegaan word.