Wanneer is jou kind gereed om …

1.    … UIT TE SLAAP? 
Jou kind se veiligheid en welstand kom altyd eerste. Baie kleintjies het ’n behoefte om by maatjies oor te slaap, maar hulle is dikwels nie emosioneel hiervoor gereed nie. Begin met ’n oor en weer spelery en rek dit dan totdat jou kind gereed is om te oornag.

2.    … SAKGELD TE VERDIEN
Sakgeld leer kinders hoe om met geld te werk en te begroot. Besluit waarvoor jou kinders hulle sakgeld moet gebruik – dit sal die bedrag bepaal. 

3.    … LATER IN TE KOM?
Stiptelikheid is belangrik. Jy moet weet saam met wie hulle gaan, waarheen en wanneer hulle terug sal wees. As hulle planne verander, moet hulle jou laat weet.

4.    … OP 'N DATE TE GAAN?
Op hoërskool is graad tien die ouderdom wanneer ’n seun en meisie op ’n date kan gaan. Weer eens, wéét presies: Wie? Waar? Wanneer? en Hoe? As jy onseker voel, nooi die outjie vir ’n braai en leer hom beter ken. Moenie te streng wees nie, want dit laat kinders uit rebelsheid die grense ignoreer.

5.    … TE BEGIN WERK?
Kinders is reeds onder soveel druk dat die bietjie tyd vir ontspanning eerder daarvoor gebruik moet word. Hulle sal baie tyd hê om te werk wanneer hulle eers groot is. Moet dit nie aanmoedig of ontmoedig nie. As jou kind dit egter graag wil doen, gee haar die geleentheid. 

6.    … MOTOR TE BESTUUR?
Kinders kry ’n leerlinglisensie op sewentien en ’n bestuurderslisensie op agtien. As jy min geduld het, laat die leerdery aan iemand anders oor. Jou ongeduld sal hulle net angstig maak.