As jou kind tot nou toe met moord weggekom het, is dit nog nie te laat nie. Om die bederfsiklus te breek moet jy…

•    … nie afhanklik wees van haar goedkeuring nie.

As jou kind ’n emosionele uitbarsting het, wys empatie, maar bly by die reëls en wees bereid om ’n oomblik lank ongewild te wees.

•    … nie haar probleme oplos nie.

Kinders moet eienaarskap van hulle probleme en die gevolge daarvan aanvaar. 

Vervang negatiewe optrede met dié positiewe gedrag …

•    WYS JOU KIND DAT SY NIE DIE ENIGSTE EEN IS WAT BELANGRIK IS NIE.

Jou kind is geneig om te dink dat haar ouers, onderwysers en vriende ter wille van haar bestaan. Om haar die teendeel te leer, moet jy self duidelike grense hê. 

•    WEES BEREID OM JOU KIND SE SEER EN FRUSTRASIE WEENS TYDELIKE DISSIPLINE TE VERDUUR SODAT SY DAARDEUR KAN GROEI. 

As jou kind huil oor ’n duur speelding, ontwerpersklere, huiswerk, huistake of ’n verlore geleentheid omdat sy nie haar deel gedoen het nie … wat gaan jy daaraan doen? Jou antwoord hierop het ongelooflike implikasies vir haar karaktervorming.  Moenie dat jou kind se pyn jou besluite rig nie. Sy sal uiteindelik besef dat jou optrede wys hoeveel jy werklik omgee.

•    LEER JOU KIND DANKBAARHEID

Handhaaf altyd ’n balans tussen die voorsiening van behoeftes en die belewing van gesonde frustrasie by jou kind, want sy kan nie alles kry wat sy sien nie.  Beperkings wat lei tot gesonde frustrasie is wanneer ek seker maak my kind kry nie in oormaat nie, is nie totaal in beheer van alles nie en ervaar die gevolge van haar keuses.