BESTANDDELE

125g       repe spek
30ml       avokado-olie
160ml     stingelui, dun gekerf
160ml      prei, dun gekerf
1 ui         fyn gekerf
500ml     water
750ml     hoenderaftreksel
750ml     groente-aftreksel
250ml     room
30ml       sjerrie   
10g         vars basiliekruid
1            knoffelhuisie, fyngedruk
2            aartappels, in blokkies gesny
4            wortels, in dun ringe gesny
2            avokado’s
1            suurlemoen
growwesout en varsgemaalde swartpeper

KOM ONS KOOK

•    Braai die spek tot bros. Skep uit, maar behou die vet in die pot. Hou die spek eenkant.
•    Verhit die vet en avokado-olie saam. Soteer die stingelui, prei en ui daarin.
•    Voeg die knoffel by en roerbraai vir ʼn minuut.
•    Voeg die aartappels, wortels, water en aftreksels by.
•    Geur met sout en peper na smaak.
•    Verlaag die hitte, sit die deksel op en prut vir 30 minute.
•    Sny die avokado in wiggies. Gooi die suurlemoenskil en sap oor. Hou 2 wiggies eenkant. Laat die sop effens afkoel. Voeg die avokado, room, suurlemoenskil en sap by.
•    Verpulp in ʼn voedselverwerker tot glad.
•    Voeg die sjerrie en brosgebraaide spekstukkies by en verhit die sop tot deurwarm.
•    Skep die sop in bakkies en garneer met avokadostukkies en basiliekruid.
 
GENOEG VIR 6 PERSONE
VOORBEREIDINGSTYD: 20 MIN
GAARMAAKTYD: 30 MIN