WARM VARKFILET-EN-APPELSLAAI MET 'N VINAIGRETTE

2010-08-25

BESTANDDELE

700g varkfilet
6        Granny Smith appels
40g     botter
30ml   bruinsuiker
275g snye ciabattabrood
45ml   olyfolie
70g     roketblare
70g     bronkors (watercress)
200g mozzarellabolletjies (bocconcini)
125ml appelasyn
250ml ekstra suiwer olyfolie
1         knoffelhuisie, fyngedruk
10ml    heuning
2ml     mosterd
growwesout en varsgemaalde swartpeper

KOM ONS KOOK

•    Verhit die oond tot 180 ˚C.
•    Sny die filet skuins in dun skywe.
•    Sny elke appel in 4 dik skywe. Sit die appels in ŉ bak, bedek en mikrogolf vir 2 minute.
•    Verhit die botter in ŉ pan, voeg die suiker en ŉ knippie swartpeper by.
•    Braai die appelskywe tot gekaramelliseer en draai om. Skep uit en hou eenkant.
•    Breek die ciabatta in groot stukke. Plaas op ŉ bakplaat en bedruip met olyfolie.
•    Bak vir 10 minute tot ligbruin en bros.
•    Braai die filetskywe in die pan waarin die appels gebraai is. Voeg ’n bietjie olyfolie by indien nodig.
•    Geur met sout en peper na smaak. Skep uit en laat effens afkoel.
•    Rangskik die roket, bronkors, bocconcini, filetskywe, appels en ciabatta saam vir die slaai.
•    Maak ŉ vinaigrette met die res van die bestanddele en drup oor die slaai.
•    Bedien dadelik.

GENOEG VIR 6 PERSONE
VOORBEREIDINGSTYD: 10 MIN
GAARMAAKTYD: 30 MIN