LEMOEN-BROODBOLLETJIES

2010-08-23

1,2 kg witbrooddeeg (vra by jou supermark – genoeg vir een brood)
125 ml vars room
125 ml bruinsuiker
2,5 ml lemoengeursel
30 ml botter
125 ml bruinsuiker
200 ml vars lemoensap (die sap van twee lemoene)
1 kaneelstokkie
30 ml mielieblom

KOM ONS BAK

•    Laat die brooddeeg teen kamertemperatuur uitrys (sowat 30 minute).
•    Sit die room, eerste hoeveelheid suiker en geursel in ’n groot, ronde oondvaste skottel (deursnee van 40cm).
•    Maak bolletjies so groot soos gholfballe van die deeg en pak los bo-op die room. Laat genoeg spasie tussen die bolletjies. Onthou, hulle rys tot meer as dubbeld hulle grootte.
•    Gooi ’n afdroogdoek oor en laat weer op ’n warm plek tot dubbel die volume rys.
•    Verhit die oond intussen tot 180˚C.
•    Smelt ook intussen die botter en tweede hoeveelheid suiker in ’n klein kastrolletjie.
•    Voeg die helfte van die lemoensap en die kaneelstokkie by en laat prut.
•    Meng die ander helfte van die sap met die mielieblom en roer goed.
•    Voeg dit by die sap in die kastrol. Roer aanhoudend tot dit dik word.
•    Haal van die plaat af en laat staan tot die deeg klaar gerys het. Haal die kaneelstokkie uit.
•    Gooi nou oor die gerysde bolletjies en plaas in die oond. Bak vir 20 minute.
•    Haal die broodbolletjies uit die oond en laat effens afkoel.

MAAK SOWAT 28 BOLLETJIES
VOORBEREIDINGSTYD: 40 MIN.
RYSTYD: 30 MIN.
BAKTYD: 20 MIN.
OONDTEMPERATUUR: 180˚C

WENK: Hierdie bolletjies kan ook in ’n no. 12-platboom-swartpot gemaak word en saam met braaivleis op die kole gebak word. Die baktyd moet dan verleng word tot 45 minute.