600 ml kookwater
4 rooibosteesakkies
30 ml olyfolie
450 g ekstra maer biefstuk in blokkies van 2 cm gesny
10 ml olyfolie
1 ui, fyngekerf
2 knoffelhuisies, fyngedruk
900 ml kookwater
60 ml vleisaftrekselpoeier
250 ml pêrelgort
15 ml vars tiemie, net die blaartjies
4 medium wortels (sny in dik ringe en dan in kwarte)
3 selderystingels, in fyn ringe gesny
2 medium aartappels, in 2 cm blokkies gesny
growwesout en varsgemaalde swartpeper

KOM ONS KOOK

•    Maak ’n aftreksel van die rooibostee in die 600 ml kookwater en hou eenkant met die sakkies steeds in die tee.
•    Sit die soppot op die stoof en verhit die olyfolie daarin.
•    Braai die biefblokkies tot bruin (sowat 12 minute).
•    Skep die vleis uit en hou eenkant.
•    Voeg die 10 ml olyfolie in die soppot, en braai die ui en knoffel tot sag (sowat vier minute).
•    Haal die teesakkies uit die aftreksel en voeg die tee by die ui en knoffel in die pot.
•    Los die vleisaftrekselpoeier in die 900 ml kookwater op.
•    Voeg die vleisaftreksel, gort, tiemie en vleis by.
•    Laat die mengsel kook en verminder dan die hitte. Sit die deksel op en prut vir 45 minute.
•    Voeg die wortel, seldery en aartappel by en prut vir nog 15 minute tot die groente sag is.
•    Geur met sout en swartpeper na smaak en bedien met vars, warm broodjies.

GENOEG VIR 6 PERSONE
VOORBEREIDINGSTYD:  20 MIN.
KOOKTYD:  60 MIN.

HET JY GEWEET?  Rooibostee se mineraalinhoud verhoog enige gereg se voedingswaarde en gee ekstra geur aan die gereg. Vervang water in enige resep met rooibostee.