900 g lamsrib
125 ml olyfolie
30 ml tikka-masalapasta (paste)
300 g Griekse jogurt
6 medium aartappels (sowat 1,2 kg)
30 ml olyfolie
45 g botter, gesmelt
15 g salieblare
growwesout en varsgemaalde swartpeper na smaak

KOM ONS KOOK

•    Meng die olyfolie, tikkapasta en jogurt saam. Smeer oor die lamsrib en marineer oornag in die yskas.
•    Haal die vleis uit die marinade en plaas in Argilla-kleipot. Sit die deksel op.
•    Plaas die pot in die oond en draai nou die hitte na 180˚C.
•    Bak vir een uur by 180˚C of verkieslik teen 140˚C vir 2-3 uur.
•    Skrop die aartappels skoon en behou die skil. Sny in een cm dik skywe.
•    Kook die aartappels in soutwater tot sag, maar nog ferm (sowat 12 minute).
•    Dreineer en plaas op ’n bakplaat. Gooi die olyfolie en botter oor.
•    Haal die Argilla-pot uit die oond en laat staan sonder om oop te maak.
•    Verhoog die oondtemperatuur tot 200˚C en sit die aartappels vir 10 minute daarin.
•    Skud die bakplaat gereeld tot die aartappels mooi bruin gebak is.
•    Voeg die salie, sout en peper by en bedien saam met die lamsrib.
•    Garneer met vars roketblare. Bedien met rooi lensies vir ’n mooi kleurkombinasie.

GENOEG VIR 6 PERSONE
MARINEERTYD: OORNAG
BAKTYD VIR VLEIS: 60 MIN.
VOORBEREIDINGSTYD: 30 MIN.
OOND MOET KOUD WEES WANNEER KLEIPOT DAARIN GEPLAAS WORD

WENK: Tikka-masalapasta kan met tandoori-kerriepasta vervang word.