500 g organiese skulppasta
500 g botterskorsies, geskil en in blokkies gesny (gebruik die afgesnyde boonste helftes van Maandag se gereg)
45 ml olyfolie
25 g botter
15 ml bruinsuiker
growwesout en varsgemaalde swartpeper na smaak
100 g grofgerasperde Parmesaankaas
100 g bokmelk-Fetakaas – grof gebreek
30 ml pampoensaad – liggies gebraai in ’n droë pan
60 ml olyfolie
125 ml vars basiliekruidblare

KOM ONS KOOK

Verhit die oond tot 200˚C
•    Plaas die botterskorsie in ’n oondskottel.
•    Gooi die olyfolie, suiker, sout en peper oor. Roer liggies tot al die botterskorsieblokkies bedek is.
•    Sny die botter in klontjies en gooi oor die botterskorsie.
•    Plaas in die warm oond vir 25 minute. Die botterskorsie moet sag wees maar met bruin gekaramelliseerde punte.
•    Kook die pasta in soutwater tot al dente (nog krakerig) en gooi deur ’n vergiettes.
•    Meng al die bestanddele liggies saam met die pasta en botterskorsie. Voeg nog sout of peper by na smaak.
•    Bedien warm.

GENOEG VIR 6 PERSONE
VOORBEREIDINGSTYD: 20 MIN.
BAKTYD: 25 MIN.
OONDTEMPERATUUR: 200˚C

Wenk: Die pasta kan saam met ’n mengelslaai bedien word. Die gekaramelliseerde botterskorsie is ’n lekker bygereg by gebakte hoender.