Daar is ’n gevoel van oopheid in die sitkamer, wat gedefinieer word deur ruimte, natuurlike lug en die neutrale kleure. Die funksionele word met die dekoratiewe vermeng. Teksture soos sisalmatte en natuurlike vesel soos linne beklemtoon die effek. Die vertrek word opgehelder met olyfgroen in die gordyne van natuurlike linne. Die gordynringe dwing die materiaal om in geordende voue te hang en pas dus perfek by die dekorstyl. Die gevoel van rustigheid word hierdeur verdiep. Maak gebruik van aksentkleure wat moeder natuur gratis vir ons gee. ’n Bak vol helderoranje lemoene is die fokus op die tafel, en word herhaal met vars blomme. Die kerse is nie net dekoratief nie. Steek hulle gerus aan – dit skep ’n wonderlike atmosfeer!

Lap vir kussings beskikbaar van www.kardoes.co.za.
Gordynlap van Silk and Cotton company.
Kerse van Woolworths.
Sisalmat van Boardmans.
Ronde houttafeltjies van Weylands.

Foto: FRANCOIS BOOYENS