Pamperlang 1: Professioneel

Laat die goed opgeleide skoonheidsterapeute toe om jou te bederf met droombehandelings:

BAD-BEDERF:

Week in ’n luukse laventelpersbad.

HEMELSE KOPMASSERING:

Nadat jou lyf gereinig is, is dit tyd om jou kop te bederf met ’n aromatiese kopmassering.

SIRKULEER MET SEESOUT:

Mineraalryke seesout vanaf die Dooie See word met aromatiese olies gemeng en gebruik om die hele lyf te skrop.

MAGIESE MASSERING:

Die wonders van massering is wetenskaplik bewys en bevorder bloedsirkulasie, is helend, bou die liggaam se immuunstelsel en verlig stres.

Pamperlang 2: By die huis

Skep jou eie stukkie hemel op aarde in die gemak van jou eie badkamer:

TUISBAD-BEDERF:

Maak jou eie badgeur deur een deel droë laventelblommetjies met twee dele hawermout en een deel swart teeblaartjies te meng.  Plaas die droë bestanddele in die middel op ’n klein stukkie vierkantige kaasdoek en bring alle hoekies saam en bind vas met ’n stukkie raffia. Plaas dit in die bad terwyl jy jou badwater intap.

TUIS-MASSERING VIR DIE KOP:

Doen jou eie kop-, nek- en gesigsmassering by die huis om jou hoofpyn, angstigheid en moegheid verlig.

’N TUIS-SOUTSKROP:

Meng ’n halwe koppie vloeistof-gliserien en ’n halwe koppie water en drie koppies tafelsout tot opgelos. Smelt een teelepel klapperbotter of -olie in die mikrogolf-oond. Meng dit by die soutmengsel. Voeg laastens 6 druppels essensiële olie by. Smelt die mengsel weer en laat dit afkoel. Gebruik die mengsel nadat jy klaar gebad het om jou lyf te skrop.

SELF-MASSERING TUIS:

Doen jou eie vollyf-massering, sonder om skaam te voel, in die gemak van jou eie huis.