MOOI MIDDEL, FERM BENE

Ferm maagspiere verbeter jou postuur en voorkom laerugprobleme.

2009-11-02Linda Kriel

Oefening 1 en 2 is gemik op die spiere aan die kante van die maag wat diagonaal na onder loop en die kurwe van jou middellyf vorm. Oefening 3 maak die agterbobene, die vierkopspier (kwadriseps) aan die voorkant van die bobene, die binnebene en selfs die boude ferm.

1 Maag

Sit op die vloer met jou bene wyd oop. Hou jou rug regop en maag ingetrek. Plaas jou linkerhand op jou linkerbobeen. Draai jou bolyf na links, leun vooroor vanuit die middellyf en strek jou regterarm na jou linkervoet uit. Keer terug na die beginposisie deur jou regterhand na jou regterbobeen terug te bring sodat jou skouers weer vorentoe wys. Herhaal.

2 Maag (middellyf)

Lê op jou rug met jou regtervoet op ’n stoel of bankie sodat ’n hoek van 90° tussen die bobeen en die heup vorm. Kruis jou linkervoet oor jou regterknie. Hou jou regterhand agter jou kop en jou linkerarm uitgestrek na die kant. Lig nou jou regterskouer skuins op in die rigting van jou linkerknie. Laat sak stadig en herhaal ’n paar keer. Herhaal met jou regtervoet oor jou linkerknie gekruis.

3 Hurk vorentoe

Hou met jou een hand aan ’n stoel of tafel vas. Staan regop, met jou voete bymekaar. Gee nou met jou regterbeen ’n lang tree vorentoe en land sag met die hak eerste sodat albei jou knieë 90° gebuig is. Jou regterbeen moet dus parallel met die grond wees en die knie moet reg bokant die middel van jou voet wees – dit mag nie by die tone verby steek nie. Die knie van die agterste been (wat ook 90° gebuig is), wys af na die grond. Hou jou rug heeltyd regop, moenie vooroor leun nie. Stoot jouself nou met jou regterbeen terug na die staande posisie (beginposisie).

LINDA KRIEL, VENESSA SCHOEMAN & RASSIE VAN NIEKERK

Druk

Deel met ander

3 Kommentaar

argief

HANDHAAF JOU GEWIG
Elke ding het sy tyd. Die afgelope twee weke was dit tyd vir jolyt. Nou het die oomblik aangebreek om weer in jou klere te pas.
MOOI MIDDEL, FERM BENE
Ferm maagspiere verbeter jou postuur en voorkom laerugprobleme.
BLY VIETS EN FIKS
'n Gesonde lewenstyl bestaan nie net uit goeie eetgewoontes of genoeg oefening nie, maar uit 'n gebalanseerde kombinasie van die t...
VISUALISEER SUKSES
Die meeste mense wat probeer om gewig te verloor, sit op hulle eie en dan dink hulle aan alles waarvan hulle baie hou en wat hulle...
VERLOOR EEN KILOGRAM SÓ
Om een kilogram te verloor moet jy 7700 kalorieë uit jou dieet sny of deur oefening verbrand.
BESEF HOE BELANGRIK OEFENING IS
Met oefening skei jy endorfiene af wat oefening lekker laat voel, maar dit neem ongeveer twintig minute van oefening voordat die e...
ONTDEK DIE GEVARE VAN KETOSE
Ek moet goed in my lewe inbou wat vir my lekker is en nie net goed insluit wat ek moet doen nie.
ONTSNAP UIT DIE KLOUE VAN JOU KOSVERSLAWING (2)
Dit is ons eie skuld dat die lewe 'n oorlewingstryd is, want ons skep 'n klomp moets en moenies vir onsself. Ons verwag nie beter ...
ONTSNAP UIT DIE KLOUE VAN JOU KOSVERSLAWING (1)
Dit is belangrik om drome te hê. As jy nie drome het nie, sê dit dat jy jou lewe sien as so goed soos wat dit kan wees. Jy a...
VERSTAAN DIE POSITIEWE EFFEK VAN KOS
Wat mense van jou dink en sê, is vir jou baie belangrik. Jy het 'n intense soeke na aanvaarding. Jy sukkel om mense te vertrou.