Jy moet weet ...

Om een kilogram te verloor moet jy 7700 kalorieë uit jou dieet sny of deur oefening verbrand.

Doen nou ...

EETPLAN
Gaan voort met jou eetplan, maar voeg sekere voedselsoorte by en laat ander weg.

Die belangrikheid van proteïene is:

Proteïene is die boublokke van die menslike liggaam. Die selle van ons bene, spiere, vel, naels, hare en elke ander weefsel word opgebou uit proteïene, As jy wit kolle op jou naels het, of jou hare maklik breek en glansloos is, kan dit wees omdat jy nie genoeg proteïene inkry nie.

Jy moet weet:

Vette in kos is iemand wat dieet se ewige vyand. Vet het 'n baie hoë energiewaarde: 1g vet bevat 9 kalorieë, meer as twee keer soveel soos 1g gram koolhidrate of proteïene. Die vet wat uit kos opgeneem word, word net afgebreek en verbruik wanneer die ander energiebronne – koolhidrate en proteïene – uitgeput is. As al die vet in die liggaam in energie omgesit word nie, word eenvoudig net in die liggaam se vetstore geberg. Hoë vetinname, sal dus 'n gewigstoename tot gevolg hê.

Daar is twee tipes vette – versadigde vette en onversadigde vette. Die meeste versadigde vette kom van diere af, alhoewel sommiges, soos kokosolie en palmolie, van plante afkomstig is. Uitgebraaide vet, varkvet, botter, room en kaas bevat almal versadigde vette. Onversadigde vette kom voor in baie groente-, neut- en visolies en verhoog nie jou cholestorolvlakke nie. Daar word ook gereken dat sommige van hulle jou risiko vir hartsiektes laat afneem. Olyfolie, neute en sade en olierige vis, soos makriel en haring word veral aanbeveel omdat hulle gesonde omega 3- en omega 6-vetsure bevat.

OEFENPROGRAM
Hou vol met jou oefenprogram. Die enigste veranderinge is dat jy bietjie swaarder gewigte moet gebruik en terwyl jy stap moet poog om jou spoed nog meer op te tel.

PROJEK
Indien jy 'n roker is, moet jy probeer om minder te rook en uiteindelik op te hou. Oppas om nie meer te eet tydens die oorgangstyd nie.