1.    Kry ’n daaglikse dosis anti-oksidante

Anti-oksidante is voedingstowwe en ensieme wat die skadelike effekte van vryradikale opvang – chemikalieë wat jou liggaamweefsel kan aanval en kanker veroorsaak. Kosse ryk in anti-oksidante sluit in wortels, tamaties, spinasie, rissies en spruitjies.

2.    Hou jou gewig dop

Vroue wat 10 tot 14 kilogram na die ouderdom van 18 optel, se kans om borskanker te ontwikkel is 40% groter as vroue wat twee of minder kilogram optel, volgens die joernaal Cancer Epidemiology, Biomarkers and Prevention.

3.    Oefen

Nie alleen verlaag oefening jou kanse om oorgewig te wees nie, dit kan jou kanse om borskanker te kry met tot 20% verlaag, volgens die Journal of the American Medical Association. Net 30 minute se stap, drie keer ’n week is genoeg om ’n verskil te maak. Konsekwentheid is die sleutel.

4.    Verhoog jou jodium-inname

’n Jodiumtekort is al in talle studies gekoppel aan borskanker. Goeie bronne van jodium sluit in varswatervis, kelp en eiers. Raadpleeg jou huisdokter of voedingkundige voor jy besluit om ’n 150 mcg aanvulling te neem, want jodium is giftig in hoë dosisse.

5.    Drink meer groentee

Groentee bevat fenol, natuurlike verbindings wat teen vryradikale skade beskerm, soos wat anti-oksidante doen. Die Nasionale Kankervereniging in die VSA ondersoek of groentee in pilformaat die vel kan beskerm teen sonskade. Groentee is ook ’n natuurlike energie-inspuiting.

6.    Voeg meer soja by jou dieet

Soja is ’n fitogeen, ’n estrogeen vervaardig deur plante. Wanneer estrogeen aan borsweefsel heg kan dit seldeling verhoog wat die kankerproses aandryf. Wanneer soja-fitogeen met borsweefsel bind, vervang dit jou eie estrogeen en verminder dit die geneigdheid om kankergroei te stimuleer.

7.    Eet meer knoffel

Knoffel bevat ’n natuurlike verbinding genaamd allielswael wat karsinogeen kan blokkeer om teikens te bereik, en kankerselle kan vernietig. Vars knoffel is altyd beter as ’n tablet want die sterkte is altyd hoër. Probeer om ’n klein huisie knoffel by jou slaaie, groentedisse of roerbraai te voeg.

8.    Los kunsmatige versoeters

Om daai blikkie dieetkoeldrank te drink kan dalk nie beter vir jou wees as die oorspronklike nie. Talle studies het aspartaam en sakkarien aan gewasse gekoppel. Daar is meer gesonde natuurlike alternatiewe vir gaskoeldrank.

9.    Hou op rook!

“Tot 25% van alle tipes kanker is rookverwant,” sê Professor Tony Howell, professor van Mediese Onkologie by Christie, Withington en Wythenshawe Hospitaal. “Om op te hou rook verminder jou risiko om kanker te ontwikkel kort nadat jy stop – maar die boodskap is stop nou!”