1 pakkie songedroogde tamaties in marinade, gepuree
1 kg beesfilet, skoongemaak
sout en swartpeper
6 groot tamaties
100 ml olyfolie
25 ml balsamiese asyn
raketblare (rocket)

KOM ONS KOOK

1.    Giet die helfte van die gepureede tamatiesous bo-oor die skoongemaakte filet.
2.    Geur met sout en peper en plaas in ’n oondpan.
3.    Rooster in ’n verhitte oond van 180 C vir 30-40 minute of totdat die filet so gaar is as wat jy verkies.
4.    Verwyder uit die oond en laat afkoel.
5.    Plaas die tamaties op ’n bakplaat en besprinkel met 50 ml olyfolie, sout en swartpeper.
6.    Bak in ’n verhitte oond van 180 C vir 20 minute of totdat die tamatievelle begin oopbars.
7.    Verwyder uit die oond en laat afkoel. Sny die filet in dun skywe en plaas in ’n opdienbak saam met die geroosterde tamaties en raketblare.
8.    Meng die gepureede tamatiesous, 50 ml olyfolie en 25 ml balsamiese asyn en giet bo-oor die slaai.
Bedien dadelik.

Bedien 4-6