Dis weer verkoue-tyd en met siekes om jou, het jy beskerming nodig. Unique Formulations Viro-CellTM 10’s, R27, bevat ’n kombinasie van kruie wat kan help om infeksies soos verkoue en koorsblare te voorkom en te behandel. Was ook gereeld jou hande, want kieme versprei wanneer jy aan besmette areas raak.

Goeie nuus! Kry ’n gratis vitamien C-aanvulling van Solal Technologies as jy die Natural Anti-biotic Anti-Viral & Flu Formula, R139, koop. Dit bevat onder meer olyfblaarekstrak wat keer dat die verkoueselle vermeerder, asook panaks ginseng wat jou immuunreaksie versterk en die simptome van koors, inflammasie en sinusitis verminder.

Wanneer jou immuunstelsel swak is, kan indringers soos bakterieë, virusse, fungi en parasiete koning kraai. FoodState Immune Formula, R90, bevat Betasitosterol, ’n plantekstrak wat noodsaaklik is vir ’n sterker immuunstelsel. Die produk bevat ook vitamiene, minerale en aminosure wat saamwerk vir beter gesondheid en jou beskerm teen infeksies.

Linctagon-C oplosbare tablette, R50, beskerm jou teen verkoues en griep. Dit gee nie net jou weerstand ’n hupstoot nie, maar help jou om vinniger gesond te word en kan ook allergiese reaksies, ’n toe neus en inflammasie teenwerk. En dit proe alte lekker! Kry dit by enige apteek sonder ’n voorskrif.