EK IS 45, MAAR EK SUKKEL MET FYN LYNTJIES, DONKER KRINGE EN SAKKIES ONDER MY OË. WAT VEROORSAAK DIT EN HOE KAN EK DAARVAN ONTSLAE RAAK? Bernadette, Empangeni.

Die eerste plek waar jy veroudering sien, is om jou oë. Die vel in daardie area is baie dun en verloor dus makliker vog. Dit bevat ook minder oliekliere as die res van jou gesig. Min vog en olie beteken meer plooie! Daarom het jy spesiale versorging nodig om fynlyntjies, sakkies en donkersirkels te voorkom.

EERSTENS MOET JY DIE SONDEBOKKE KEN:

Fynlyntjies: Die son is baie sleg vir jou delikate oogarea. Jy sukkel reeds met min vog en die son droog jou vel nog meer uit. Daarom moet jy altyd ’n sonbril dra.
Donkersirkels en sakkies: As jy voorheen nie met donkersirkels en sakkies gesukkel het nie, is daar dalk ’n mediese rede soos sinusontsteking vir die skielike verskyning. Besoek jou dokter.
Kies ook ’n goeie oogroom soos Almay Eyewise Intense Hydration Depuffing Eye Gel wat donker sirkels, plooie en sakkies voorkom en behandel.

ALMAL SÊ ALTYD JY MOET SAANS VOOR JY GAAN SLAAP JOU GESIG WAS. IS DIT REGTIG SO BELANGRIK? Claudia, Baberton.

Ja! Behoorlike reiniging is baie belangrik. Grimering, olie en ander onsuiwerhede verstop jou porieë en dit kan lei tot puisies en swartkoppies. Boonop word jou vel aan ander onsuiwerhede blootgestel as gevolg van besoedelde lug, wat tot veroudering kan lei.

Jy benodig ’n room- of jelreiniger, ’n verfrisser en ’n vogroom om jou vel na wense te versorg. Die verfrisser is belangrik omdat dit jou porieë toemaak nadat jy gereinig het en keer dat jou vel belangrike vog verloor. Reinig jou vel soggens en saans.

MY VEL IS BAIE OLIERIG. WAT STEL JY VOOR MOET EK GEBRUIK? Hannelie, Aliwal-Noord.

As jy ’n olierige veltipe het, het jy gewoonlik oop porieë en sukkel jy waarskynlik met puisies en ’n ongesonde gelaatskleur. Die goeie nuus is dat olierige veltipes langer vat om te verouder! So daar is darem voordele ook.

Die beste manier om jou olierige vel te versorg is om produkte te kies wat sagkens van die olie op jou vel ontslae raak en sodoende jou porieë reinig sonder om dit uit te droog of te beskadig. Eintlik benodig jou vel water (vog), en nie olie nie. En daarom het selfs ’n olierige veltipe vogroom nodig.

Gebruik ’n ligte, waterige formule, eerder as ’n swaar formule, omdat ligte room genoeg vog verskaf en ook help om olievlakke te beheer. Almay het ’n velsorgreeks vir elke veltipe. Besoek www.almay.co.za vir meer inligting.